تحدث رامي نصوحي، عضو مجلس إدارة الزمالك، عن تراجع أداء ونتائج فرق ألعاب الصالات بالقلعة البيضاء، خلال الفترة الماضية في جميع البطولات.
قال نصوحي: “أنا عارف إن الناس زعلانة، وعندها كل الحق، مفيش حد بيحب يشوف فريقه بيخسر. لكن إحنا استلمنا ألعاب الصالات زيها زي باقي حاجات كتير في النادي، محتاجة شغل وبناء وصبر”.
أضاف: “إحنا كنا عارفين ده كويس قبل الانتخابات، وعارفين إننا هنواجه كل اللي إحنا شايفينه دلوقتي، ومستحملين، وبنلتمس العذر للناس”.
تابع: “يمكن ما نلحقش نحصد ثمار اللي بنعمله، لكن الأهم إننا نحط الزمالك على الطريق الصح، علشان اللي ييجي بعدنا ما يشوفش اللي إحنا شفناه، ولا يعيش اللي إحنا عشناه”.
أتم رامي نصوحي: “بشكر كل الناس اللي حضرت الماتش النهاردة، وحقكم عليا، ما تزعلوش”.